As nosas adestradoras de ximnasia rítmica

CREAMOS EQUIPO CON COMPROMISO E PAIXÓN

Profesionais acreditadas

Coñece o noso equipo técnico

O noso equipo de monitoras de ximnasia rítmica mantén un nivel moi alto de adestramento en todas as súas clases. Na nosa práctica utilizamos coñecementos de psicoloxía e coaching, que nos axudan a desenvolver a autoestima de cada ximnasta, mellorando tanto a súa autoconfianza como a súa condición física. Esforzámonos en crear unha experiencia positiva de crecemento, ensinando a considerar a práctica deportiva como hábito de vida, os valores do traballo en equipo e a importancia do esforzo e o compromiso persoal para acadar o éxito. No noso programa de clases encaixan ximnastas de calquera condición física e idade dende os tres anos.

WENDY REY

Wendy é a fundadora e actual presidenta do Club Viravolta. É adestradora Nacional Nivel III (máximo nivel) e xuíza Nacional de Ximnasia rítmica de Nivel II, ademais de Licenciada en Psicoloxía clínica pola USC e posgrao en Coaching directivo e deportivo. Tamén é Técnico Avaliador de Graos, (RFEG) na Especialidade de Ximnasia. Wendy conta con 14 anos de experiencia como adestradora, e levou ao Club para conseguir diferentes premios en varios campionatos a nivel nacional e autonómico. Ademais de monitora de ximnasia rítmica, Wendy é organizadora do Xacobeo Viravolta Jael.

MARTA COMENDADOR

Marta é adestradora de apoio e axudou ao noso club a coseguir diferentes premios. É Adestradora Autonómica de ximnasia rítmica de Nivel II e obtivo o primeiro grao en Ballet Royal Academy of Dancing. Graduada en Educación primaria, no momento actual está a cursar un grao en Psicoloxía, o que lle achega coñecementos e habilidades moi valiosos para o adestramento infantil. Ademais é Monitora de tempo libre.

SILVIA PENA

Silvia é Adestradora Autonómica de Ximnasia Rítmica de Nivel I e unha das Ximnastas do club con desempeño máis sobresaliente. Foi Campioa Galega en 2013 e 2014, e subcampioa galega en 2015 e 2017. No ano 2019 volveu ser Subcampioa Galega e clasificouse para a Copa Nacional. Actualmente comparte os seus coñecementos e o seu bo facer inspirando a ximnastas máis novos como monitora de ximnasia rítmica. Ademais de adestradora de ximnasia rítmica, Silvia é organizadora do Xacobeo Viravolta Jael.

ANA COLADAS FERNÁNDEZ

Titulación: adestradora de Nivel III Ximnasia Rítmica acreditada pola FGX.

Resultados destacados: medalla de bronce no Campionato de España de conxuntos Murcia 2018, oitava na Copa de España de conxuntos Santander 2022 e seis veces campioa galega no Club As Triscas de Pontevedra.

XIANA VIDAL ARIAS

Xiana é Adestradora Autonómica de Ximnasia Rítmica de Nivel II. Foi ximnasta do club desde os 10 anos logrando Proclamarse Campioa de España en 2021 na modalidade de conxuntos e campioa galega en varias ocasións actualmente estuda un ciclo superior de ensino e animación sociodeportiva. Ademais de adestradora de ximnasia rítmica, Xiana é organizadora do Xacobeo Viravolta Jael.

IRIA ÁLVAREZ FUENTES

Adestradora de Ximnasia Rítmica de Nivel I.
Resultados destacados: campioa de España 2019, terceira de España 2020, medalla de bronce na I fase da Copa de España 2021 e campioa da II fase da Copa de España 2021. Dúas medallas na clasificación por aparellos da liga Iberdrola en 2019 e 2020.

NURIA GARCÍA MARTÍNEZ

Adestradora de Ximnasia Rítmica Nivel I.

Comezou a súa traxectoria no club como ximnasta en 2015, sendo parte do equipo ata 2025. Ao longo da súa carreira deportiva, destacouse a nivel nacional desde 2018, logrando múltiples títulos na modalidade de conxunto.

Entre os seus logros máis destacados atópanse:

Campioa de España en cadete 2021.
Campioa Galega en alevín 2018 e infantil 2019.
Subcampioa Galega en alevín 2018 e cadete 2021.
Campioa xuvenil no I Torneo Internacional Viravolta Jael.

Tras esta etapa en conxunto, pasou á modalidade individual base, onde continuou durante tres anos, participando en dous campionatos de España nesta modalidade.

Actualmente, atópase cursando o ciclo superior de Ensino e Animación Sociodeportiva, combinando a súa paixón pola ximnasia coa súa formación académica.

LUCÍA IGLESIAS MÍGUEZ

Adestradora de nivel de iniciación e nova. En ximnasia rítmica desde os 7 anos.

Quinta de España no campionato nacional en Guadalaxara en 2019 na modalidade de conxuntos, e campioa galega en varias ocasións.

Actualmente está no último curso da carreira universitaria de Educación Infantil. É monitora de tempo libre en campamentos de verán.

LÚA PAJARES PÉREZ

Adestradora e xuíza de ximnasia rítmica nivel I. Participou en múltiples campionatos de españa, logrando proclamarse 2º a nivel individual na liga Iberdrola e obter a 3ª e 1ª praza por equipos da mesma en 2023. Actualemente realiza a titulación de pedagoxía pola USC.

MARTÍN CASAL DE LA FUENTE

Xuíz nacional de ximnasia rítmica acreditado pola RFEG.

Ximnasta do club desde hai 10 anos, campión e subcampión galego absoluto en numerosas ocasións e que conseguiu entrar nos 8 primeiros postos en varios campionatos de España.