Club de ximnasia rítmica

Contacto

CLUB VIRAVOLTA

Damoslle a benvida ao noso Club de Ximnasia Rítmica a todos os nenos e nenas a partir de tres anos de idade. Sabemos que non é posible predicir se a túa filla ou fillo desfrutar desta actividade. Por iso, a primeira clase corre pola nosa conta. Escríbenos ou chámanos para reservar a túa!

telefono club viravolta

Teléfono

+34 690 396 669

Enderezo

Rúa de Tras Sta. Isabel
15705 Santiago de Compostela

e-mail

info@clubviravoltasantiago.com

campeonas gallegas infantiles medalla

Síguenos nas redes

PREGUNTAS FRECUENTES

Aquí atoparás as preguntas que recibimos de forma habitual e as súas respostas. Se non atopas a información que buscas, ponte en contacto connosco para saber máis.

Como son as clases de ximnasia rítmica?

As nosas clases seguen a dinámica dunha sesión de calquera tipo de deporte. Comezamos cun xogo nos grupos de menor idade como aquecemento para seguir coa preparacin específica. A sesión termina coa fase que chamamos de “volta á calma”.

Como se ten que vestir para ir a clase? Como se ten que vestir para practicar ximnasia rítmica?

Roupa cómoda e axustada, calcetíns e co cabelo recolleito nun moño ou coleta. Actualmente tamén é preciso que cada ximnasta traia a súa propia  esterilla, seguindo recomendacións hixiénicas das autoridades sanitarias.

Podémonos sumar ás clases aínda que tea comezado a tempada?

Si, sempre que haxa praza.

Como se pagan as clases?

Por domiciliación bancaria, entre os días 5 e 15 de cada mes. A orde de domiciliación inclúese na documentación da matrícula. 

Pódese ir a unha clase de proba sen compromiso?

Si! A primeira clase é gratis e sen compromiso. Podes contactar por teléfono ou mail e reservámosche unha praza no grupo que mellor se adapte ás túas condicións.

Como podo atopar a clase adecuada para a miña filla ou o meu fillo?

Aquí podes consultar todas as clases que ofrecemos. Tes dúbidas? Chámanos ou mándanos un  WhatsApp.

Onde son as clases?

A actividade do noso club de ximnasia rítmica lévase a cabo en diferentes emprazamentos, sempre en Santiago de Compostela. O lugar de celebración das clases dependerá do grupo no que se inclúa cada ximnasta.

Pode ser calquera dos seguintes:

  • Pavillón de Pontepedriña ( C/ Escultor Camilo Otero)
  • Pavillón de Santa Isabel (Galeras)
  • Centro de lecer (antes Colexio Junior’ s da  Silvouta, en  Roxos)
  • Pavillón de Ou Restollal (Rúa de Emilio e Manuel)
Os pais poden mirar?

Non, non é posible asistir aos adestramentos. Animamos ás familias e amizades a asistir aos campionatos, torneos e competicións.

Hai seguro nas clases?

Si. O seguro deportivo é obrigatorio por lei e está incluído na licenza federativa que ten cada ximnasta, tanto se compite coma se non. Convén lembrar que é imprescindible notificar ao Club calquera incidencia e seguir as súas instrucións. 

Ademais, o noso Club de ximnasia rítmica conta con seguro de responsabilidade civil e subscríbense seguros adicionais para participar en eventos como campionatos e torneos.

As adestradoras teñen cualificación?

O noso equipo de adestradoras profesionais está adestrado ao nivel máis alto dos adestradores, avaliadores e xuíces de ximnasia rítmica, e contan con coñecementos complementarios noutros campos como en psicoloxía, as actividades de deportes físicos e danza clásica.

Que hai que facer para matricularse?

Alégranos que teñas esa pregunta! Está explicado nesta páxina con todo detalle. Podes contactarnos en caso de dúbidas!

Abrir chat
Hola ¿necesitas ayuda?
Hola 👋
¿En qué podemos ayudarte?