Os equiposalevín a, alevín b, infantil e cadete de nivel base participaron na competición clasificatoria para a Copa Nacional de Conxuntos Base de 2021 o sábado 24 de abril en Ourense (pavillón dos Remedios). Todos eles están clasificados! Estamos moi orgullosos do empeño e traballo que mostraron neste mes para sacar a coreografía.
O equipo alevín a e alevín b obtiveron unha primeira e terceira posición respectivamente, o grupo cadete unha cuarta y o infantil unha terceira.
O domingo 25 de abril foi a quenda das nosas ximnastas xuvenís Candela Cerneira, Lucía Iglesias e Paula Fernández que competían por primeira vez no Campionato Galego Individual Base. A pesar dos nervios, defenderon o seu exercicio con moitísima forza. Alba Varela Ponte, a nosa ximnasta máis veterana participou tamén nesta competición obtendo unha praza para o Campionato Nacional Base Individual.
Os conxuntos alevín a, infantil e cadete prepararán neste mes a súa próxima cita: Copa Nacional de Conxuntos que terá lugar a finais de maio principios de xuño con sede aínda descoñecida. O conxunto alevín b participará en competicións autonómicas e as ximnastas individuais finalizarán a súa tempada para preparar a tempada de conxuntos.
Foi un fin de semana de tensión, emoción e ilusión. Parabéns a todas as ximnastas pola súa dedicación, seguiremos traballando para que demostredes o mellor de vós nos próximos obxectivos!
