XACOBEO DE XIMNASIA RÍTMICA 2024
III TORNEO INTERNACIONAL +
IV GALA VIRAVOLTA JAEL
XACOBEO DE XIMNASIA RÍTMICA 2024
III TORNEO INTERNACIONAL + IV GALA VIRAVOLTA JAEL
Os días 16 e 17 de novembro de 2024 os clubs internacionais de ximnasia rítmica déronse cita en Santiago de Compostela, no xa 3er Torneo Internacional Viravolta-Jael rematando coa 4ª Gala Internacional de ximnasia rítmica.
Carolina Rodriguez exerceu de madriña do torneo, que un ano máis se realizou con carácter solidario en beneficio da Asociación de axuda a Nenos Oncolóxicos de Galicia (ASANOG).
Bota unha ollada á galería de fotos!
XACOBEO DE XIMNASIA RÍTMICA
II TORNEO INTERNACIONAL + III GALA VIRAVOLTA JAEL
Os días 18 e 19 de novembro de 2023, os clubs internacionais de ximnasia rítmica déronse cita en Santiago de Compostela, no II Torneo Internacional Viravolta Jael e posterior III Gala internacional. Evento amadrinado pola ximnasta olímpica Carolina Rodríguez e con carácter solidario en beneficio da Asociación de axuda a Nenos Oncolóxicos de Galicia (ASANOG).
XACOBEO DE XIMNASIA RÍTMICA
NA PRENSA
XACOBEO DE XIMNASIA RÍTMICA
I TORNEO INTERNACIONAL + II GALA VIRAVOLTA JAEL
Os días 26 e 27 de novembro de 2022, os clubs internacionais de ximnasia rítmica déronse cita en Santiago de Compostela, onde celebrouse o 1er Torneo Internacional Viravolta-Jael rematando coa 2ª Gala Internacional de ximnasia rítmica.
TORNEO VIRAVOLTA JAEL 2021
SANTIAGO DE COMPOSTELA | NOVEMBRO 2021
O Viravolta- Jael é un evento de carácter solidario en beneficio da Asociación de Axuda a Nenos Oncolóxicos de Galicia (ASANOG). Este torneo de ximnasia rítmica reúne á elite nacional e internacional deste deporte, e está amadriado pola olímpica Carolina Rodríguez.
Este torneo de ximnasia rítmica acolle a máis de 40 clubs de Galicia, Asturias, Castela e León, País Vasco, Cataluña… Ao longo da xornada celébranse competicións a nivel autonómico e nacional. O evento remata cunha gala na que as mellores ximnastas do panorama nacional realizan os seus exercicios entre as ovacións do público.
Gústache a ximnasia rítmica? Desfruta do vídeo da gala pasada!
Carolina Rodríguez
XIMNASTA OLIMPICA E madriÑa do Torneo Viravolta Jael
Temos o orgullo de contar coa ximnasta olimpica española que máis títulos nacionais conseguiu como madriña do noso torneo. Estes son os premios máis relevantes do seu palmarés:
- Campioa dos Xogos do Mediterráneo en 2013.
- 3 veces olímpica: competiu en Atenas 2004 en grupo (7ª posto), en Londres 2012 como ximnasta individual (14ª posto) e en Río tamén na modalidade de individual conseguindo diploma olímpico (7ª posto) e consagrándose coma a ximnasta máis veterana en competir nuns xogos olímpicos con 30 anos.
- 12 veces campioa de España.
- En 2016 foi recoñecida coa medalla de bronce da Real Orde ao Mérito Deportivo.
Carolina colabora co club tamén como monitora dalgunhas das masterclasses de ximnasia rítmica que organizamos periodicamente.
JAEL JOYERÍA impulsa e patrocina o noso torneo
O torneo Jael Viravolta celébrase grazas ao compromiso e o esforzo do noso patrocinador, Jael Joyería, en colaboración co Concello de Santiago, a Federación Galega de Ximnasia Rítmica e a Real Federación Española de Ximnasia, entre outros.
Sobre Jael Joyería
Jael Joyería é o patrocinador oficial do Club Ximnasia Rítmica Viravolta desde o ano 2014.
Chema Fernández, fundador e director de Jael Joyería foi e é un apoio fundamental para esta entidade, non só economicamente senón tamén desde a perspectiva emocional, ofrecendo os seus recursos nos bos e non tan bos momentos que un club deportivo adoita atravesar ao longo da súa historia.
Ademais de traballar e colaborar co club na organización do Torneo Viravolta – Jael” , participa na organización das nosas MasterClass onde o noso grupo de ximnastas teñen a oportunidade de mellorar a súa técnica adestrando con grandes figuras da ximnasia rítmica.
Un millón de grazas por tanto, Jael!
Estás pensando en apuntarte a clases de ximnasia rítmica?
Visita o noso apartado de preguntas frecuentes para ver información interesante para ti.
